|
هیزی شهوێ ژهنیه قهومهما ئامای بێ پهی یانهیما پهی ئاقیبهت خهیری بابهیم که دوێ یهرێ ڕوێ چی وهڵ به ماشینهکهشوه چهپش کهرده بێ. ئی ژهنێ که ماچووش ئهڏا و بابهش بێسارانیێنێ بهڵام به سۆرانی قسێ مهکهرۆ. نمهزا چێش بێ که بابهم یهک هۆ واتش پی ژهنێ که تۆ چهنی سۆرانی قسێ مهکهری بهڵام برایهکات هۆرامی ؟! ئهوهیچ یانی ژهنهکێ واتش: ((ئاخۆ من فیزنهنا)) !!! منیچ حهقێقهت فره قینیم ئامانهو لێ دڵۆ وێمهنه واتم: ((تۆ خوا تهماشاو فام و شعوور و دهرکۆ ئا ژهنێ کهره که زوانۆ ئهڏائی وێش بێ ئهرزشهن لاشوهو قسه کهردهی به زاراوهو زوانیه تهر شانازین پهیش)) !!! به ڕاسی یاگێ سهرهنجیش ههنه که بزانمێ مهبهستۆ ئی خهڵکیه جه کلاسیو جه فیزا چێشهن؟! ئهگهر بێ فهرههنگی و بێ ڕیشهئی کلاسش ههن و فیزێش گهرهکێنێ تا بلوو کۆپانیه کهروو کۆڵێمهرهو لێ شارینه گێڵوو ! چی فهرقیه مهکهرۆ ؟ لاو منوه هیچ فهرقیهش نیهن چۆن جه ههردوه لاوه وێما واڕانوو چهنی هۆوییهتوو ڕیشهو وێما جهنگمانهن وه سهبهبۆ ئینهیه غهیر جه فهقری فهرههنگی هیچ تهر نیهن. من ئینسانیه مۆتهعهصب نیهنا که واچوو زوانی هۆرامی عالتهرین زوانۆ دنیاین تهنیا گهرهکمهن واچوو ئهگهر کهسیه ڕیشهو زوانۆ وێش جه دهس بڏۆ نمهتاوۆ جامێعهکهش ڕوو به وهر بهرۆ ! لاسایهوه کهردهی جه زوانوو دیگهرانی هیچ سوودێوهش پهیما نیهن غهیر چانهیه که مللهتهکهما سۆکوو بێ ئهرزش کهرمێ. درۆسهن که سۆرانوو هۆرام ههر دوی کۆردێنێ بهڵام مشیۆم ههر کهس فهرههنگوو ڕیشهو زاراوهو وێش ڕۆشنوه کهرۆ تا بهیۆوه جامێعهکهشا ڕوو به وهر برا وه بتاوا مللهتیه با فهرههنگشا بۆ دلێ ئی دنیاینه. به هیواو ئا ڕۆیه که دوور نیهن.
هیوا عهلی ڕهمائی
|
