تبليغاتX
.:بێــســـاران و هــــۆرامـــــان:.
به‌ نامێ خۆڏای
بێــســـاران و هــــۆرامـــــان
به‌شی کوردی بێساران و هۆرامانی
په‌ڕه‌و ئه‌وه‌ڵی | ئیمه‌یله‌ | ئارشیڤۆ نویسیایه‌کا | ئه‌زیه‌ره‌ی
  سه‌باره‌ت به‌ قسه‌کاو کاک حشمه‌تی کاکه‌ ئی

تاریخۆ 87/12/25ی جه‌ نه‌ورۆز تی ڤی سه‌ر به‌ حزبۆ پژاکی، جه‌ به‌رنامه‌و "ئیواره‌ وه‌ خه‌یرینه‌" که‌ به‌ زاراوه‌و که‌لهۆڕی بێ، کۆبیایه‌ ڕاکۆت چه‌نی به‌ڕێز کاک حشمه‌تی کاکه‌ئی سه‌باره‌ت به‌ زوانی کوردی و شێوه‌ زوانه‌کاش وه‌ هه‌ر پاسه‌ سه‌باره‌ت به‌ زوانی ئێستانداردی کوردی.قسێ فرێ کریێ و واچیێ به‌ڵام باسێوه‌ که‌ په‌ی من یاگێ سه‌ر سڕ مه‌نه‌ی و سه‌ره‌نج کێشه‌ی بێ ئانه‌ بێ که‌ کاکه‌ حشمه‌ت با وجوودۆ ئانه‌یه‌ که‌ ماچۆ زوان وه‌ زاراوه‌که‌ش جزوۆ زاراوه‌ که‌مینه‌کاو کوردستانی بێ، واتش که نووسه‌ره‌کاما مشیۆ به‌ زاراویه‌ بنووسا که‌ گردۆ کورده‌کا چه‌نه‌ش بیاوانه‌ (زوانی فه‌رمی)‌ وه‌ نویسته‌ی به‌ زاراوه‌کا ته‌ری کارێوه‌ خاس نیه‌ن وه‌ مه‌بۆ باعێسۆ پرژ و پڵاو بیه‌و وه‌ر لوای و سه‌رکه‌وته‌یما. یاگیه‌ ته‌روه‌ واتش که"‌ مشیو زاراویه‌ کریۆ زاراوه‌ی فه‌رمی وه‌ بایه‌خیچ دریۆ به‌ زاراوه‌کا ته‌ری". من چه‌نی ئانه‌یه‌ که‌ مشیۆ زاراویه‌ کوردی کریۆ زوانی فه‌رمی، دژایه‌تیه‌م نیه‌ن به‌ڵام چه‌نی ئانه‌یه‌ که‌ نمه‌بۆ به‌ زاره‌کا ته‌ری بنووسمێ و‌ ئۆ زاراوه‌کا که‌رمێ فیداو یه‌ک زاراوه‌ی، فره‌ فره‌ مۆخالیفه‌نا. به‌ ڕاسی ئی دوه‌ جومڵه‌و کاک حشمه‌تیه‌ فره‌ قسێ مارا وه‌ر. تۆ به‌ی بایه‌خ به‌ی به‌ زوانیه‌ یا زاراویه‌ جه‌ حاڵیه‌نه‌ که‌ دژ پانه‌ینی‌ که‌ پا زاراوه‌ یا پا زوانیه‌ بنووسا. چه‌نی مه‌بۆ زوانیه‌ وه‌‌ر گنۆ وه‌ختیه‌ که‌ پا زوانه‌ نه‌نووسی. من حه‌ز مه‌که‌روو باقی دۆسه‌کا ویر و ڕاو وێشا سه‌باره‌ت پی قساو کاک حشمه‌تیه‌ بنووسا.

نووسه‌ر : هـــیوا عه‌لی ڕه‌مائی | ساعه‌ته‌و 9 ڕۆ
| لینکۆ بابه‌تی

  چننه‌ وێنیه‌ جه‌ ده‌گاو بێسارانی ..... وێنه‌ گێر: حسه‌ین و هۆمایۆن باسامی
 
 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 12 ڕۆ
| لینکۆ بابه‌تی

  هه‌ر دویما ملمێ به‌هه‌شت ...... هۆرگێڵن: هیوا عه‌لی ڕه‌مائی

یۆ جه‌ گه‌وره‌کاو عه‌ره‌بی که‌ به‌ ناشیرینی چۆرچه‌می و ناباری رۆخساری مه‌شهوور بێ، ژه‌نێوه‌ فره‌ جوانه‌ و وه‌ش ڕه‌فتاره‌ش بێ. ڕۆیه‌ ژه‌نێ واتش په‌نه‌ش: متمانیم هه‌نه‌ که‌ من و تۆ هه‌ر دویما یاگێما هینا به‌هه‌شته‌نه‌. واتش: چه‌نی مه‌زانی؟ واتش: چاگه‌وه‌ که‌ تۆ ڕوومه‌تۆ جوانۆ من مه‌وینی و شوکرانه‌ ماچی وه‌ منیچ رۆخساری نابارۆ تۆ مه‌وینوونێ و تاقه‌ت ماروو، وه‌ صابر و شاکر هه‌ر دوی یاگێشا به‌هه‌شته‌نه‌.

نووسه‌ر : هـــیوا عه‌لی ڕه‌مائی | ساعه‌ته‌و 19 ڕۆ
| لینکۆ بابه‌تی

  ته‌ڵێ مڵه‌ی ...... هۆرگێڵنای به‌ هۆورامی: هیوا عه‌لی ڕه‌مائی

 مڵه‌ جه‌ دڕنه‌و دیواره‌که‌ینه‌ سه‌ره‌ش کێشا به‌روه‌ تا بزانۆ ئی گرد سه‌ر و سه‌ڏا په‌ی چێشییا! لالۆی که‌شاوه‌رز تازه‌ جه‌ شاروه‌ ئامه‌ بێوه‌ و به‌سییه‌چش چه‌نی وێش ئارده‌ بێ که‌ خێزانه‌ش خه‌ریکه‌ بێ بازش که‌رێ. مڵه‌ تۆزیه‌ لۆوسێش لێستێوه‌ و دلێ دڵۆ وێشه‌نه‌ واتش: به‌شکیم وارده‌مه‌نیه‌‌ ده‌رده‌و ئاما بۆ. به‌ڵام وه‌ختێ به‌سه‌شا باز که‌رد،لاشه‌و مڵه‌ی که‌وت له‌رزه‌ له‌رز ؛ چونکوو لالۆی که‌شاوه‌رز ته‌ڵێ مڵه‌یش ئه‌ستێ بێ. مڵه‌ ڕه‌مه‌ ڕه‌م گێڵاوه‌ په‌ی لێ باخی تا ئی هه‌واڵه‌یه‌ بۆونێ به‌ باقی حه‌یوانه‌کا. مڵه‌ی ئاقیوه‌و شه‌ڕ یاوێ به‌ حه‌ر که‌سی واچێ: ته‌ڵییه‌ مڵه‌یشا ئاردێنه‌ لێ باخی،ساحێو باخ ته‌لییه‌ مڵه‌یش ئه‌ستێنه‌ ...


 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 15 ڕۆ
| لینکۆ بابه‌تی

  که‌ش و کۆ بێسارانی ....خه‌سره‌و پیره‌
فـــــه‌ره‌نــجیــم کـــــه‌رده‌نه‌ به‌زمه‌ کــــــوردانه‌ .....‌ قـــه‌ڵــه‌مــۆ ده‌ســـیم بــی به‌ گـــۆچانــــه‌

 وات چـه‌نی کــــه‌سی مـه‌کـــه‌ر ئـــــــــامێته‌ ..... ده‌فــــــته‌ر و کـتێوم بـی تـرێشتـه‌ و سێته‌

ڕه‌فــێق وردوه‌ به‌ قــــــــیبله‌ بــــــــڏیه‌ پــــه‌ی ..... جه‌ درکــــــــه‌ زه‌رده‌ تــــا ده‌ره‌و ده‌گــــــه‌ی

ئه‌ی خــوا چی وه‌شــه‌ن بـی شوانه‌و مه‌یان ..... جه‌ ده‌ره‌و ده‌گـــه‌ی و چه‌مـه‌و مــیــکــۆڵان


 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 19 ڕۆ
| لینکۆ بابه‌تی

  ده‌سه‌و نویسه‌راو هه‌ورامانی و ئه‌رکێوی سه‌نگین...هه‌ورام شه‌کیبایی
چند ڕوێ چی وه‌ڵی به‌یاننامه‌و ئه‌ره‌مرزناو "ده‌سه‌و نویسه‌راو هه‌ورامانی"م جه‌ یۆ جه‌ وێبنویسه‌کا وه‌نته‌وه‌، پیسه‌و یۆ جه‌ یه‌که‌کاو ناوچه‌و هه‌ورامانی فره‌ وه‌شحاڵ بیا و پی بۆنێوه‌ پیرۆزبایی که‌روو جه‌ خه‌ڵکو هه‌ورامانی، به‌ تایبه‌ت ئه‌ره‌مرزێنه‌رێ ئی ده‌سه‌یه‌ و ده‌سپه‌نه‌که‌راش..........
...ئێمه‌ ئیتر مشیۆم وێما جه‌ ویه‌رده‌ی که‌نمێوه‌، دڵ که‌نه‌ی جه‌ ویه‌رده‌ی فره‌ سه‌ختا، به‌ تایبه‌ت وه‌ختێوی که‌ ئێمه‌ ئارۆ هیچما نیا و هه‌ر چی هه‌ن جه‌ ویه‌رده‌یا. به‌ڵام میژوو و ویه‌رده‌ هیچش په‌ی ئێمه‌ نیا، ئێمه‌ جه‌ دنیاو ئارۆینه‌ ژیومێ و ئی دونیای چێوانه‌ی‌ته‌رش پێویستێنێ. ئینه‌ که‌ ئێمه‌ هه‌زارساڵێ چو وه‌ڵی چێمنێ بیێنمێ و چامنێ بیێنمێ، مه‌بۆ نان و دۆ په‌یما. و ته‌نیا سه‌راوێوا که‌ ته‌ژنه‌ته‌رما که‌رۆ و ئاخریچ خنیکنۆما.....
 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 1 ڕۆ
| لینکۆ بابه‌تی

  بێ ڕیشه‌ئی فیزێش گه‌ره‌کێ نیه‌نێ .... هیوا عه‌لی ڕه‌مائی
هیزی شه‌وێ ژه‌نیه‌ قه‌ومه‌ما ئامای بێ په‌ی یانه‌یما په‌ی ئاقیبه‌ت خه‌یری بابه‌یم که‌ دوێ یه‌رێ ڕوێ چی وه‌ڵ به‌ ماشینه‌که‌شوه‌ چه‌پش که‌رده‌ بێ. ئی ژه‌نێ که‌ ماچووش ئه‌ڏا و بابه‌ش بێسارانیێنێ به‌ڵام به‌ سۆرانی قسێ مه‌که‌رۆ. نمه‌زا چێش بێ که‌ بابه‌م یه‌ک هۆ واتش پی ژه‌نێ که‌ تۆ چه‌نی سۆرانی قسێ مه‌که‌ری به‌ڵام برایه‌کات هۆرامی ؟! ئه‌وه‌یچ یانی ژه‌نه‌کێ ‌واتش:


 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 11 ڕۆ
| لینکۆ بابه‌تی

   پــــــــاییز ئـــامــــاوه‌ (مامۆسا بێسارانی)
                           پــــــــاییز ئـــامــــاوه‌ پــــــــاییز ئـامـــــــاوه‌       
                           یـــــاران نـــه‌و پــــاییز جــه‌ نــۆ ئـامــــــاوه 
                           ‌بــــۆڵبــــۆڵ پـه‌رێ گـۆڵ مــات و دامـــــاوه      
                           عـاشقـان سـه‌ودای ده‌روون تـامـــــاوه‌...                                     

 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 16 ڕۆ
| لینکۆ بابه‌تی

  رازی هۆرامیه‌ ((ئه‌رێ ده‌ی ئه‌رێ)) .... هیوا عه‌لی ڕه‌مائی

زه‌مانۆ زوی پیایه بیه‌ن‌ جه‌ ده‌گاو بێسارانینه‌ به‌ نامێ ((حه‌مه‌ که‌ریمۆ گۆڵه‌ی)) که‌ خصڵه‌ت هایه‌ عه‌لاحێڏێش بیێنێ. ئی پیا بابایه‌ بیه‌ن تووڕه‌ به‌ڵام پاڵۆ ئانه‌یره‌ که‌ تووڕه‌ بیه‌ن شۆخی هایه‌چش که‌ردێنێ که‌ به‌ قه‌وڵۆ کۆردی وێما سه‌ره‌ هه‌ڕینش ئۆرده‌ن خوه‌ی وه‌ ئی دوه‌ خصڵه‌ته‌ بیێنێ هۆ ئانه‌یه‌ که‌ مه‌ردم وه‌شش به‌ی چه‌نه‌ش. من چیگه‌نه‌ یۆ جه‌ داستانه‌کاو ئی پیایه‌ مه‌گێڵنووه‌ په‌یتا:


 درێژه‌و ئی بابه‌ته‌یه...
نووسه‌ر : هـــیوا عه‌لی ڕه‌مائی | ساعه‌ته‌و 22 ڕۆ
| لینکۆ بابه‌تی